‘गण्डकी प्रदेशको समृद्धिमा निजी क्षेत्रको सहयोग महत्वपूर्ण’

इकागज | असार ११, २०७९

कास्की- गण्डकी प्रदेशका मुख्यमन्त्री कृष्णचन्द्र नेपाली पोखरेलले समृद्ध गण्डकी प्रदेश निर्माण गर्ने सपना साकार पार्नका लागि निजी क्षेत्रको सहयोग महत्वपूर्ण हुने बताउनुभएको छ ।

‘समृद्ध गण्डकी प्रदेशः सम्भावना र चुनौती’ विषयमा आर्थिक मिडिया र बेदव्यास क्रिएशनले आज पोखरामा आयोजना गरेकोे ‘गण्डकी आर्थिक बहस-२०७९’ मा उनले समृद्धिका लागि सरकार आफ्नो स्रोत, साधन र क्षमताले भ्याएसम्म लागिपरेको बताए ।

उनले भने, 'समृद्ध गण्डकी प्रदेश बनाउने सरकारको सपनामा निजी क्षेत्रको सहयोग मुख्य रहन्छ, सरकार निजी क्षेत्रलाई सहयोग गर्न सधैँ प्रतिबद्ध छ, देशको अर्थतन्त्रको ८० प्रतिशत निजी क्षेत्रमा आधारित रहेकाले यो क्षेत्र जबसम्म जुर्मुराउँदैन तबसम्म सरकार अगाडि बढ्न सक्दैन ।'

प्रदेश नीति तथा योजना आयोगका उपाध्यक्ष डा रघुराज काफ्लेले निजी क्षेत्रको सक्रिय संलग्‍नताबिना विकास सम्भव नभएको बताए । प्रदेश सरकारले बनाएका नीति, नियम तथा कानुन आर्थिक गतिविधिलाई चलायमान बनाउन र निजी क्षेत्रको प्रवर्द्धनका लागि रहेको उनको भनाइ छ ।

स्वतन्त्र ऊर्जा उत्पादक संघ (इपान) गण्डकीका अध्यक्ष जगत पोखरेलले जलविद्युत् क्षेत्रको विकासबाट गण्डकी प्रदेशको समृद्धि सम्भव रहेको बताए । उनले यहाँका नदी नालाबाट विद्युत् उत्पादन गरी ऊर्जाको बिक्री वितरणबाट प्रदेश र प्रदेशवासीलाई धनी बनाउन सकिने उल्लेख गरे ।

पोखरा पर्यटन परिषद्का अध्यक्ष गोपी भट्टराईले अनावश्यक राजनीतिक हस्तक्षेपले पर्यटन क्षेत्रमा असर पारेको बताए । उनले व्यक्तिको क्षमताका आधारमा नभई राजनीतिक पार्टी हेरेर व्यक्तिलाई माथि पुर्‍याउने परिपाटीले समस्या उत्पन्‍न भएको जिकिर गरे ।

उद्योग वाणिज्य संघका केन्द्रीय सदस्य बाबुराम गिरीले लगानीमैत्री वातावरण बनाउने दायित्व सरकारको भए पनि त्यो हुन नसकेको बताए । उनले पोखरा महानगरपालिका र प्रदेश सरकारले गरेका निर्णय कार्यान्वयन गर्न कठिनाइ भएको पनि उल्लेख गरे । 

आयोजक संस्था आर्थिक मिडिया प्रालिका अध्यक्ष सुरेन्द्र पौडेलले प्रदेशको समृद्धिका लागि सरकारी, निजी क्षेत्र तथा सरोकारवालाको सहभागितामा बहसमूलक कार्यक्रममार्फत सम्भावना र चुनौती पहिल्याउनका लागि कार्यक्रम गरिएको बताए । 

मूल्यवृद्धिविरूद्ध युवा संघ र अनेरास्ववियुद्वारा बेंसीशहरमा विरोध प्रदर्शन

इकागज | असार १०, २०७९

लमजुङ- लमजुङको सदरमुकाम बेंसीशहरमा पेट्रोलियम पदार्थमा भएको मूल्यवृद्धिको विरोधमा प्रदर्शन गरिएको ...

राताे किताब प्रकाशनकाे विषयमा छानविन गर्ने सहमति पछि पाेखरा महानगरकाे बजेट प्रस्तुत हुँदै

इकागज | असार १०, २०७९

पाेखरा। पोखरा महानगरको वार्षिक बजेट तथा कार्यक्रम सुरु भएकाे छ । बजेट प्रस्तुत हुनु अघि नै नेकपा एमाले...

गाउँपालिकाको बजेटः भालु र बाँदर लखेट्न १२ र घोडा खरिद गर्न १५ लाख विनियोजन

इकागज | असार ८, २०७९

पोखरा - कास्कीको मादी गाउँपालिकाले आगामी आर्थिक वर्षको बजेट सार्वजनिक गरेको छ । किसानले बाँदर र ...

कास्की कांग्रेस सभापतिविरुद्ध अविश्वासको प्रस्ताव ल्याउने तयारी, हस्ताक्षर अभियान सुरु

इकागज | असार ६, २०७९

पोखरा- नेपाली कांग्रेस कास्की गम्भीर संकटमा फसेको छ । सभापति किशोरदत्त बरालविरुद्ध पदाधिकारी र सदस्यले ...