लमजुङ-१ मा जमिन्द्रमान र टकराज दोस्रो पटक आमनेसामने, कसले मार्ला बाजी ?

इकागज | कात्तिक ३०, २०७९

लमजुङ- निर्वाचनको मिति नजिकिँदै जाँदा लमजुङमा  उम्मेदवारको पक्ष विपक्षमा मत विभाजनसँगै जीत हारको चर्चा परिचर्चा चल्न थालेको छ । 

यसपटक लमजुङ क्षेत्र नं. १ को प्रदेशसभा सदस्यमा पुनः एमालेका जमिन्द्रमान घले र नेपाली कांग्रेसका डा. टकराज गुरुङ आमनेसामने छन् । 

उनीहरू दुवैजना २०७० को दोस्रो संविधानसभा निर्वाचनमा प्रतिस्पर्धी थिए। एमाले केन्द्रीय सदस्य जमिन्द्रमान घले यसपटक प्रतिनिधि सभा निर्वाचन लड्न चाहन्थे। कांग्रेस जिल्ला सभापति रहेका डा. टकराजपनि प्रतिनिधिसभा मै सिफारिस भएका थिए। तर, पार्टीले दुवैलाई प्रदेशमा झार्‍यो। घले र गुरुङ अहिले प्रदेशमा प्रतिष्पर्धा गर्दैछन्।

दोस्रो संविधानसभामा गुरुङलाई ७ सय ९८ मतले हराएर घले संविधानसभा सदस्यमा निर्वाचित भएका थिए। यसपटक घले आफ्नो जीतको विरासत जोगाउन कस्सिएका छन भने गुरुङ विरासत तोड्न। 

विगतमा कांग्रेसको ‘किल्ला’का रूपमा रहेको यस क्षेत्र २०६४ पछि बामपन्थी दलले कब्जा गरेका छन्। पहिलो संविधानसभा निर्वाचनमा नेकपा माओवादीका बुद्धिराम तमु निर्वाचित भए। 

दोस्रो संविधानसभा निर्वाचनमा एमालेका घले निर्वाचित भए भने ०७४ मा प्रदेशसभामा बाम गठबन्धनबाट एमालेका धनन्ञ्य दवाडी निर्वाचित भए। 

यतिबेला दुवैले चुनावी प्रचार तीव्र बनाएका छन्। दुवैले चुनाव जित्ने दावी पनि गरेका छन्। गठबन्धन भएकाले टकराज आफूले चुनाव जित्ने दावी गर्छन्। 

जमिन्द्रमान आफ्नो संगठन र लोकप्रियता राम्रो भएकाले चुनाव जित्ने बताउँछन्। दुवैको एउटै लक्ष्य छ, आफूले चुनाव जितेमा कृषि, पर्यटन, जलस्रोतसहित विकासका पूर्वाधारहरूमा काम गर्ने।  

लमजुङ प्रदेश १ मा ४ स्थानीय तह छन्। जसमध्ये २ वटा गाउँपालिकामा एमालेका अध्यक्ष, एउटा गाउँपालिका र एउटा नगरपालिकामा कांग्रेसले प्रमुख जितेका छन्। 

एमाले र कांग्रेसले एक-एक उपाध्यक्ष जित्दा माओवादीले दुईवटा उपप्रमुख जितेको छ। स्थानीय तह निर्वाचनमा सत्ता गठबन्धन र एमाले प्रतिस्प्रर्धी थिए। प्रदेश ‘१’ मा पर्ने बेंसीसहर नगरपालिका-१० र ११ वडाको अध्यक्ष एमालेले जितेको छ। 

प्रमुख/अध्यक्ष तथा वडाअध्यक्षले पाएको मतअनुसार एमालेभन्दा गठबन्धन ४ सय २१ मत अगाडि छ। एमालेले १९ हजार ७ सय ६ ल्याउँदा गठबन्धनले २० हजार १ सय २७ मत ल्याएका छन्। 

यी दुईमध्ये कुन नेताले बाजी मार्छन त्यो थाहा पाउन मंसिर ४ कुर्नैपर्ने हुन्छ। 

एमाले भन्ने पार्टी केपी ओली प्रालिमा परिणत भैसक्यो : तरुणदल अध्यक्ष गुरुङ

इकागज | कात्तिक २९, २०७९

पर्वत- नेपाल तरुण दल अध्यक्ष विद्वान गुरुङले आज पर्वतको जलजलामा आयोजित तरुण भेलालाई सम्बोधन गर्दै ए...

चुनावकाे छेउमै गण्डकीका भाैतिक पूर्वाधारमन्त्री खड्का बर्खास्त

इकागज | कात्तिक २९, २०७९

पाेखरा। गण्डकी प्रदेशका भौतिक पूर्वाधार विकास मन्त्री कुमार खड्का बर्खास्त भएका छन् । मुख्यमन्त्री कृष्णच...

चासोमा गण्डकीकाे चुनाव : प्रधानमन्त्रीदेखि प्रदेशका मुख्यमन्त्रीको चर्चा

इकागज | कात्तिक २९, २०७९

गण्डकी । विभिन्न दलका शीर्ष नेता उम्मेदवार रहेको गण्डकी प्रदेशमा यतिखेर नजिकिँदो निर्वाचनले चहलपहल बढाएक...

बुद्ध एयरले पोखरा अन्तर्राष्ट्रिय विमानस्थलबाट उडान भर्दै

धनबहादुर गुरुङ | कात्तिक २८, २०७९

पोखरा- नेपाल नागरिक उड्डयन प्राधिकरण (क्यान)ले १ जनवरी २०२३ देखि पोखरा विमानस्थलबाट अन्तर्राष्ट्रिय ...

बागलुङ १ : केसीलाई पछि पार्दै संसद्‍मा दोहोरिने दाउमा पाठक

इकागज | कात्तिक २८, २०७९

गलकोट- बागलुङ क्षेत्र नम्बर १ प्रतिनिधिसभाको निर्वाचनमा एउटा नयाँ रोचक प्रतिष्पर्धा हुँदैछ । यो निर्वाचन प...

घरदैलाेमा आएका नेतालाई विचौरका मतदाता भन्छन् : गाउँकाे विकास गर्ने नेता चाहियाे

इकागज | कात्तिक २६, २०७९

लमजुङ- लोकतान्त्रिक वाम गठबन्धनको तर्फबाट लमजुङको प्रदेश सभा 'क' का उम्मेदवार डा. टकराज गु...

व्यवस्थामा होइन विकासमा परिवर्तन चाहन्छन् मतदाता

धनबहादुर गुरुङ | कात्तिक २५, २०७९

पोखरा- मुलुकमा दोस्रो जनआन्दोलनमार्फत राजनीतिक व्यवस्था परिवर्तन भए पनि सर्वसाधारणको अवस्थामा भने कु...

कालिगण्डकी डाइभर्सनबारे विष्णु पौडेलको घोषणापत्रले एमाले नेता नै असन्तुष्ट

इकागज | कात्तिक २४, २०७९

पोखरा- केही पटक चर्चामा आएर सेलाएको कालिगण्डकी डाइभर्सनबारे पुनः चर्चा सुरु भएको छ । रुपन्देहीका ...