कनकाई नगरपालिकाको मेयरमा एमाले, उपमेयरमा कांग्रेस विजयी

काठमाडौँ- कनकाई नगरपालिकाको मेयरमा नेकपा एमालेका उम्मेदवार राजेन्द्रकुमार पोखरेल पुनः निर्वाचित भएका छन् । पोखरेलले ८६७३ मत ल्याएर निकटतम प्रतिद्वन्द्वी नेपाली कांग्रेसका रुद्रप्रसाद चिमरियालाई २ हजार १२ मतान्तरले पराजित गर्दै पोखरेल पुनः कनकाई मेयरमा निर्वाचित भएका हुन् । चिमरियाले भने ६ हजार ६६१ मत ल्याएका छन्।

नगरपालिकाकी उपमेयरमा नेपाली कांग्रेसकी आशा सिवाकोटी निर्वाचित भएकी छिन्।  उनले १० हजार ७१३ मत ल्याइन् । उनले निकटतम प्रतिद्वन्द्वी एमालेकी मञ्जु प्रसाईँलाई १८६८ मतान्तरले पराजित गरेकी हुन्। नगरपालिकाकी निवर्तमान उपमेयर रहेकी प्रसाईँले ८८४५ मत ल्याएकी छिन्।