भरतपुरमा रेनु अग्रता बढ्दै, विजयभन्दा ८२१ मतले अगाडि

चितवन - भरतपुर महानगरमा माओवादीका मेयर उम्मेदवार रेनु दाहालले अग्रता बढाउँदै लगेकी छन् । २३ हजार ५ सय  ८५ मत गणना हुँदा दाहालले ८ हजार २ सय ६९ मत ल्याएकी छन् ।

उनलाई पछ्याइरहेका एमालेका विजय सुवेदीले ७ हजार ४ सय ४८ मत ल्याएका छन् । उनी दाहालभन्दा ८ सय २१ मतले पछाडि छन् ।

अर्का स्वतन्त्र उम्मेदवार जगन्नाथ पौडेलले ३ हजार ८ सय ५८ मत ल्याएका छन् । ​उपमेयरमा कांग्रेसका चित्रसेन अधिकारीले ९ हजार ९ सय ३८ मत ल्याउँदा राप्रपाका हिमला गुरुङले ६ हजार १ सय ४३ मत ल्याएकी छन् । 

हाल महानगरमा वडा ६ को मतगणना जारी भइरहेको छ ।