मेलम्ची नगरपालिकामा मेयरमा कांग्रेस, उपमेयरमा एमाले विजयी

काठमाडौं–सिन्धुपाल्चोकको मेलम्ची नगरपालिकाको मेयर कांग्रेस र उपमेयर एमालेले जितेको छ । मेयर पदमा कांग्रेसका आइतमान तामाङ निर्वाचित भएका हुन् । उनले ११ हजार २ सय ५८ मत ल्याएका छन् । उनका प्रतिस्पर्धी एमालेका बालकृष्ण देउजाले ११ हजार १ सय ६५ मत ल्याएका छन् ।

उपमेयरमा एमालेकी उमा प्रधान निर्वाचित भएकी हुन् । उनले १० हजार १ सय ६४ मत ल्याएकी छिन् । उनका प्रतिस्पर्धी राप्रपाकी कुमारी तामाङले ८ हजार ३ सय ६४ मत ल्याएकी छिन् ।