विराटनगरमा अग्रता फराकिलो बनाउँदै कोइराला, एमालेका थापाभन्दा ३६३२ मतले अगाडि

मोरङ – मोरङको विराटनगर महानगरपालिकाको मेयरमा कांग्रेसका नागेश कोइरालाले अग्रता फराकिलो बनाउँदै गएका छन् । कांग्रेसका नागेश कोइरालाले १४ हजार ९४४ मत पाएका छन् । 

कोइरालालाई पछ्याइरहेका एमालेका सागर थापाले ११ हजार ३१२ मत पाएका छन् । मेयरका स्वतन्त्र उम्मेदवार उमेश यादवले ४ हजार ६८२ मत पाएका छन् । कोइरालाले ३ हजार ६३२ मतको अग्रता बनाएका छन् ।

उपमेयरमा भने एमालेकी शिल्पा कार्की गठबन्धनका जनता समाजवादी पार्टी (जसपा)का उम्मेदवार अमरेन्द्र यादवभन्दा झण्डै दोब्बर मतले अघि छिन् । शिल्पाले १२ हजार ९२७ मत पाउँदा उनलाई पछ्याइरहेका जसपाका अमरेन्द्रले ७ हजार ७७८ मत प्राप्त गरेका छन् ।