गोरखाको चुमनुव्री गाउँपालिकामा माओवादी विजयी

काठमाडौं–गोरखाको चुमनुव्री गाउँपालिकाको मेयर र उपमेयर दुवै पदमा माओवादी विजयी भएको छ । मेयर पदमा माओवादीका उम्मेदवार निमा लामा विजयी भएका हुन् । उनले १ हजार ६ सय २४ मत ल्याए । उनका प्रतिस्पर्धी कांग्रेसका धनबहादुर गुरुङले १ हजार ३ सय ११ मत ल्याए ।

यस्तै उपमेयरमा पनि माओवादीकी लक्ष्मी गुरुङ विजयी भइन् । उनले १ हजार ५ सय ६५ मत प्राप्त गर्दा उनका प्रतिस्पर्धी कांग्रेसकी मेतोक छोकी लामाले १ हजार ३ सय ७ मत प्राप्त गरिन् ।