नागार्जुन नगरपालिकामा बस्‍नेत र अधिकारी दोहोरिए

काठमाडौँ- नागार्जुन नगरपालिकाको मेयरमा नेपाली कांग्रेस र उपमेयरमा नेकपा एमालेको उम्मेदवार विजयी भएका छन् । विजयी उम्मेदवार यसपटक पनि दोहोरिएका हुन् ।

कांग्रेसका उम्मेदवार मोहनबहादुर बस्नेत १० हजार १ सय ८६ मत प्राप्त गरी मेयरमा विजयी भएका हुन् । बस्नेतका निकटतम प्रतिद्वन्द्वी नेकपा एमालेका उम्मेदवार नन्दनहरि गौतमले ८ हजार ३ सय ६८ मत ल्याएका छन् ।

त्यस्तै उपमेयरमा एमालेकी सुशिला अधिकारीले ९ हजार ४ सय ४७ मत प्राप्त गरी विजयी भएका छन् । उनका निकटतम प्रतिद्वन्द्वी कल्पना नेपालीले २ हजार ७ सय ५३ मत प्राप्त गरेकी छिन् ।

नगरपालिकामा गत स्थानीय निर्वाचनमा निर्वाचित भएर पाँच वर्ष काम गरेका कांग्रेसका मेयर र एमालेका उपमेयर फेरि दोहोरिएका हुन् । २०७४ मा बस्नेतले ६ हजार ९ सय ७१ मत प्राप्त गरी विजयी भएका थिए । उपमेयरमा अधिकारीले ६ हजार ८ सय ७१ मत ल्याएर विजयी भएकी थिइन् ।