प्रदेश १ को बजेट अधिवेशन आह्वान

विराटनगर । प्रदेश सरकारले प्रदेश १ को दशौं तथा बजेट अधिवेशन जेठ १६ गतेका लागि बोलाएको छ । प्रदेश १ का प्रदेश प्रमुख परशुराम खापुङले प्रदेश सरकारको सोमबार बसेको मन्त्रिपरिषद् बैठकको सिफारिस बमोजिम बजेट अधिवेशन आह्वान गरेको हुन् ।

प्रदेश प्रमुखको कार्यालयले दशौं तथा बजेट अधिवेशन आह्वान गरिएको विज्ञप्तिमार्फत जनाएको छ । जेठ १६ गते सोमबार विहान ११ बजे प्रदेश नं. १ को प्रदेशसभाको दशौं तथा बजेट अधिवेशन आह्वान गरिएको प्रदेश प्रमुखको कार्यालयका प्रवक्ता नरेन्द्र कुमार श्रेष्ठले बताए ।