वीरेन्द्रनगरमा एक पुरुष मृत फेला

सुर्खेत : कर्णाली प्रदेशको राजधानी वीरेन्द्रनगरमा एक पुरुष मृत फेला परेका छन् । सोमवार राति सुर्खेतको सिम्ता गाउँपालिकाका ३९ वर्षीय रामबहादुर राना क्षेत्रीको शव फेला परेको हो ।  

मृतक रानाको शव वीरेन्द्रनगर–६, स्थित यज्ञपिसहोम बोडिङ्ग स्कुल नजिक भेटिएको थियो ।  जिल्ला प्रहरी कार्यालय सुर्खेतका डिएसपी रामप्रसाद घर्तीले घटनाको विषयमा अनुसन्धान भइरहेको बताए । शवलाई पोस्टमार्टमका लागि कर्णाली प्रदेश अस्पताल लगिएको छ । मृतकको शरीरमा कुनै चोटपटक नभएकाले पोष्टमार्टम रिपोर्टपछि वास्तविकता बाहिर आउने डिएसपी घर्तीले बताए ।