मत परिणाम आफ्नो पक्षमा नदेखिएपछि सरकारतिर धारे हात लाउनु बेठीक कुरा हो : प्रचण्ड

फाइल तस्‍बिर

काठमाडौँ – नेकपा माओवादी केन्द्रका अध्यक्ष तथा प्रतिनिधि सभा सदस्य पुष्पकमल दाहाल ‘प्रचण्ड’ले निर्वाचन मूलरूपमा शान्तिपूर्ण सम्पन्न भएको बताएका छन् । शनिबारको प्रतिनिधि सभा बैठकमा बोल्दै प्रचण्डले प्रमुख प्रतिपक्षी दलले मत परिणाम आफ्नो पक्षमा नदेखिएपछि सरकारतिर धारे हात लाएको भन्दै त्यो ठीक नभएको बताए ।

‘मानौ यो निर्वाचन सफल नै भएन । दमन गरियो भन्ने व्याख्या प्रतिपक्षी दलको नेताले गर्नुभयो । धेरै खण्डन आलोचना गर्नु त छैन,’ उनले भने, ‘मैले नबुझेको कुरा उहाँहरूको मूल्यांकन आयो, ‘लज्जास्पद अन्तर्घात निर्वाचनमा एमाले कमजोर भयो' । अनि संसद्मा दलको नेताले सरकारले गर्दा भन्नुभयो । मुख्य कारण अन्तर्घात हो कि सरकारले गर्‍यो भन्ने कुरा मुख्य हो ? मत परिणाम आफ्नो पक्षमा नदेखिएपछि सरकारतिर धारे हात लाउनु बेठीक कुरा हो ।