घाँस काट्न गएका आठ जना सम्पर्कविहीन

महोत्तरी : भंगहा नगरपालिका-८ स्थित धर्मपुर टोलका ८ जना बालिका र किशोरी १७ घण्टादेखि सम्पर्कविहीन भएका छन् । मंगलबार अपराह्न करिब ४ घाँस काट्न गएका उनीहरु सम्पर्कविहीन भएका हुन् ।

सम्पर्कविहीन भएका सबै १० वर्षदेखि १८ वर्ष उमेरका रहेका छन् । १० वर्षीया रञ्‍जना पासवान, सीमा पासवान, रचना पासवान, १३ वर्षीया ज्योति पासवान, १५ वर्षीया रिया पासवान, अर्चना पासवान, १८ वर्षीया अस्मिता पासवान र नगिना पासवान सम्पर्कविहीन छन् ।

उनीहरू राति ११ बजेसम्म पनि घर नफर्केको र अहिले नेपाल प्रहरी र स्थानीयको सहयोगमा सम्पर्कविहीन बालिका र किशोरीहरुको खोजी भइरहेका जिल्ला प्रहरी कार्यालय महोत्तरीका प्रहरी उपरिक्षक श्यामकृष्ण अधिकारीले इकागजलाई बताए । प्रहरी उपरिक्षक अधिकारीका अनुसार घाँस काट्न गएका उनीहर सम्पर्कविहीन भएका हुन् । यो समाचार तयार पार्दासम्म उनीहरु सम्पर्कमा आएका छैन भने खोजीकार्य भइरहेको प्रहरीले जनाएको छ ।