‘कबड्डीको ४‘का दृश्य युट्युबमा पनि

काठमाडौँ  - प्रदर्शनको पहिलो दिनदेखि टिकटकमा टुक्रा टुक्रा गरी सार्वजनिक भएको फिल्म कबड्डी ४ युट्युबमा पनि देखिन थालेको छ । टिकटकमा आएका क्लिप्स जोडेर नै केही च्यानलले फिल्म युट्यबुमा राखेका छन् । यसरी राखिएका क्लिप्स सिलसिलेवार नभई टुक्रा टुक्रा छन् । 

हलमा चापका साथ चलिरहेको फिल्म केही दिनअघि मिरुना मगरलाई दर्शकद्धारा गरिएको ब्याडटच प्रकरणका कारण पनि प्रभावित बनेको थियो । मिरुनाले आरोपितलाई दुव्र्यवहारको मौखिख उजुरीमा जेल हालेपछि रिसाएका आरोपित समर्थकले बौद्ध क्षेत्रमा प्रदर्शन गरेका थिए । 

पहिला पनि थुप्रै नेपाली फिल्म पाइरेसीको शिकार बनेका छन् । साइबर कानुनसम्बन्धी चेतना पर्याप्त नहुँदा लहडमा पनि मानिसहरुले फिल्म खिचेर युट्युबमा राख्ने गरेका छन् ।