‘प्रसाद २’ मा निर्देशक फेरबदल,  सौरभ चौधरीको ठाउँमा सुदर्शन थापा

काठमाडौँ - घोषणा भएको लामो समयसम्म पनि फ्लोरमा जान नसकेको फिल्म ‘प्रसाद २’मा निर्देशक परिवर्तन भएका छन् । फिल्मबाट पहिले तय भएका निर्देशक सौरभ चौधरी निस्किएका छन् भने उनको ठाउँमा सुदर्शन थापा भित्रिएका छन् ।

सौरभ चौधरीले आफू सो फिल्मबाट अलग भएको पुष्टि गरे । ‘के कारणले म निस्किएँ त्यो म म उपयुक्त समयमा बताउँछु । अहिलेलाई चाहिँ म त्यो फिल्ममा निर्देशकको हैसियतमा आबद्ध छैन,’उनले इकागजसँग प्रतिक्रिया दिँदै भने ।

यो फिल्मको पहिलो भाग दिनेश राउतले निर्देशन गरेका थिए । सुशील पौडेलको लेखन रहेको फिल्ममा विपिन कार्की, निश्चल बस्नेत र नम्रता श्रेष्ठको अभिनय रहेको थियो । 

निर्देशक परिवर्तनसँगै फिल्मको कलाकारमा पनि परिवर्तन आउने चर्चा छ । पहिलो भागका केही कलाकार दोस्रो भागमा नरहने सम्भावना रहेको स्रोत बताउँछ । पहिलोसँगै दोस्रो भागलाई पनि सुवास थापाले निर्माण गर्नेछन् ।