सडक भासिएको स्थानबाट कार खस्यो, एक जनाको मृत्यु

पोखरा- पृथ्वी राजमार्गको आँबुखैरेनीमा भाँसिएको सडकमा कार दुर्घटना हुँदा एक जनाको ज्यान गएको छ । तनहुँको आँबुखैरेनी गाउँपालिका–४ डम्पिङमा सडक भासिएको ठाउँबाट कार खसेको र एक जनाको शव भेटिएको ईलाका प्रहरी कार्यालय आँबुखैरेनीका सई बासुदेव थापाले जानकारी दिए ।

शुक्रबार बिहान ४:३० बजे उक्त कार दुर्घटनामा परेको र त्यसअघि नै राति सडक भासिएको उनले बताए । कारमा कति जना सवार थिए थाहा नभएको र घटनास्थलमा एक शव भेटिएको उनले बताए । कार पहिरोले पुरिएकाले नम्बर थाहा हुन नसकेको उनले जनाए । उक्त स्थानमा अहिले उद्दार कार्य चलिरहेको उनले बताए ।