असोज २८ मा सन्तोष पन्तको ‘हिजो आजका कुरा’

काठमाडौँ - महामारीका कारण रोकिएको अर्को फिल्म ‘हिजो आजका कुरा’ले पनि प्रदर्शन मिति जुराएको छ । यो फिल्म अब तिहारको छेको पारेर असोज २८ मा प्रदर्शन हुनेछ । 

कुनै समयको टेलिभिजनको सर्वाधिक चर्चित कार्यक्रममा सन्तोष पन्तले अभिनयसँगै लेखन, निर्देशन तथा अभिनयको जिम्मेवारी सम्हाल्थे । फिल्ममा भने निर्देशनको अभिभारा सन्तोष पन्तका छोरा साकार पन्तले लिएका छन् । 

फिल्म टेलिभिजनमा झैँ सन्तोष पन्त र रमा थपलियाको मुख्य भूमिका रहेको छ । त्योबाहेक फिल्ममा ऋचा शर्मा, केकी अधिकारी, रिमा विश्वकर्मा, दिव्यदेव आदिको अभिनय रहेको छ । यसको ‘माया जदौ’ बोलको गीत लोकप्रिय रहेको छ ।