सांसद  विकको प्रश्न– प्रधानमन्त्री कृषि आधुनिकिकरणमा ओलीको नाम मात्रै फेर्ने कि अरु के–के फेर्ने ?

काठमाडौं–नेकपा एमालेकी सांसद विमला विकले प्रधानमन्त्री कृषि आधुनिकिकरण कार्यक्रममा केपी ओलीको नाम मात्रै फेर्ने कि अन्य के–के फेर्ने भनेर कृषि मन्त्रीलाई प्रश्न गरेकी छिन् । उनले बजेटको मन्त्रालयगत छलफलमा कृषि तथा पशुपंक्षी मन्त्री महेन्द्र राय यादवले दिएको जवाफपछि व्यंग्य गर्दै प्रश्न गरेकी हुन् । 

‘प्रधानमन्त्री कृषि आधुनिकिकरण कार्यक्रमलाई परिमार्जन गर्छौँ भन्नु भयो,’ उनले भनिन्, ‘केपी ओली नेतृत्वको सरकारले सुरु गरेको हुनाले केपी ओलीको नाम मात्रै फेर्ने हो कि अरु के के फेर्ने हो ? जवाफ चाहियो ।’

यस्तै सांसद विकले किसान पेन्सन कति वर्ष काम गरेपछि पाइन्छ भन्दै प्रश्न उठाएकी छिन्  । ‘किसान पेन्सन लोकप्रिय कार्यक्रम ल्याउनुभएको छ,’ उनले भनिन्, ‘कति वर्ष किसान पेशा गरेकालाई किसान पेन्सन दिने हो ?  किसानलाई पेन्सन दिन कति पैसा छुट्याउनु भएको छ ?’

उनले मल दिन नसकेको भन्दै यस वर्ष कति प्रतिशत धान उत्पादन बढाउने लक्ष्या सरकारले लिएको छ भन्दै प्रश्न उठाएकी छिन् ।