एसपीपी नेपाललाई स्वीकार्य छैन अमेरिकालाई ‘नो थ्याङ्स’ भन्नुपर्छ : महामन्त्री शर्मा

फाइल फोटो

काठमाडौँ - नेपाली कांग्रेसका महामन्त्री विश्वप्रकाश शर्माले अमेरिकी स्टेट पार्टनरसिप प्रोग्राम​ (एसपीपी) नेपाललाई स्वीकार्य नभएको बताएका छन् । शर्माले एसपीपीकाबारे नेपालले अमेरिकालाई ’नो थ्याङ्स’ भन्नुपर्ने बताएका हुन् । आज सामाजिक सञ्जालमा ट्विट गर्दै शर्माले कांग्रेसको धारणा पनि यही बन्ने र कांग्रेस नेतृत्वको सरकारले यही धारणाको प्रतिनिधित्व गर्ने बताए ।

उनले लेखेका छन्, ‘अमेरिकालाई प्रष्ट भन्नुपर्छ - No, Thanks… एसपिपी हामीलाई स्विकार्य छैन ! `काँग्रेसको धारणा यहि बन्नेछ र काँग्रेस नेतृत्वको सरकारले यहि धारणा प्रतिनिधित्व गर्नेछ l हामी साझा ढंगले प्रष्ट छौं- समुन्नतिमा सबैको साथ स्वीकार्य, सामरिक सहकार्यको रणनीतिक प्रस्ताव सदैव अस्वीकार्य !’

सरकारले भने एसपीपीका लागि कुनै पनि प्रस्ताव नगरेको स्पष्ट पारेका छ ।

अमेरिकालाई प्रष्ट भन्नुपर्छ - No, Thanks…
एसपिपी हामीलाई स्विकार्य छैन !

काँग्रेसको धारणा यहि बन्नेछ र काँग्रेस नेतृत्वको सरकारले यहि धारणा प्रतिनिधित्व गर्नेछ l हामी साझा ढंगले प्रष्ट छौं- समुन्नतिमा सबैको साथ स्वीकार्य, सामरिक सहकार्यको रणनीतिक प्रस्ताव
सदैव अस्वीकार्य !

— Bishwa Prakash शर्मा (@bishwaprakash77) June 15, 2022