‘पानीफोटो’ टिजर : बेपत्ता छोरा कुरिरहेका अनुप बराल र मेनुका

काठमाडौँ - साउन २० मा प्रदर्शन हुने घोषणा गरेको फिल्म ‘पानीफोटो’ले टिजर सार्वजनिक गरेको छ । डेढ मिनेट लामो टिजरमा छोरा कुरिरहेका अनुप बराल र मेनुका प्रधानको भाव समेटिएको छ । 

१२ वर्षपहिले गुरुकुलमा मञ्चन भएको नाटकलाई खगेन्द्र लामिछानेले फिल्ममा रुपान्तरण गरेका हुन् । लेखनसँगै फिल्मको निर्देशन पनि खगेन्द्र लामिछानेले गरेका हुन् । नाटकले द्वन्द्वमा बेपत्ता छोराको खोजीमा रहेका बाबु आमाको कथा कथा प्रस्तुत गरेको थियो ।

बिहीबार सार्वजनिक ट्रेलरले कथाको यही भावलाई संवाद र दृश्यमार्फत पस्किएको छ । टिजरमा अनुप बराल र मेनुका प्रधानबाहेक प्रकाश घिमिरे र खगेन्द्र लामिछानेको पनि झलक देख्न सकिन्छ । फिल्ममा मलिका महतको पनि महत्वपूर्ण भूमिका रहेको छ ।