कोभिड संक्रमित सचिन तेन्दुलकर अस्पताल भर्ना

काठमाडौँ : कोभिड-१९ संक्रमणबाट ग्रसित भारतीय क्रिकेट टिमका पूर्व कप्तान सचिन तेन्दुलकर अस्पताल भर्ना भएका छन् । केही दिनअघि कोभिड संक्रमित भएका सचिन शुक्रबार अस्पताल भर्ना भएका हुन् ।

चिकित्सकको सल्लाहअनुसार आफू अस्पताल भर्ना भएको उनले ट्वीटमार्फत बताएका छन् । सन् २०११ मा भारतले एकदिवसीय क्रिकेट विश्वकप जितेको थियो । १० वर्षअघि आजकै दिन फाइनलमा श्रीलंकालाई हराउँदै भारतले उपाधि उचालेको थियो ।

सचिनले अस्पतालकै बेडबाट विश्वकप जितेको १० औँ बार्षिकोत्सवको शुभकामना दिएका छन् । सचिन भारतीय टोलीका प्रमुख खेलाडी रहँदा कप्तानी भने महेन्द्रसिंह धोनीले गरेका थिए ।