सांसद नविना लामाले मागिन् अर्थमन्त्रीको राजीनामा

काठमाडौं– नेकपा एमालेकी सांसद् नविना लामाले अर्थमन्त्री जनार्दन शर्माको राजीनामा माग गरेकी छिन् । सोमबार संसद्को शून्य समयमा बोल्दै सांसद लामाले सरकारले नैतिकता गुमाएको भन्दै अर्थमन्त्री शर्माको राजीनामा मागेकी हुन् ।

‘यो बेला मूल्य वृद्धिले जनता अप्ठेरोमा रोइरहेका छन्,’ उनले भनिन्, ‘किसान रोइरहेका छन् । हिजो मात्रै धादिङमा जनता र पुलिसको मुडभेटमा कारणले ठूलो झडप भएको छ । बैंकमा ९ महिना यता पैसा छैन । व्यवसायीले ऋण पाइएको छैन । उच्च शिक्षा हाँसिल गर्न जाने विद्यार्थीले बैंकको कारोबार गर्न पाएको छैन । यो बेला मैले विनम्रता साथ भन्नु पर्छ नैतिकता गुमेको सरकार, नैतिकता गुमेको अर्थमन्त्रीको राजीनामा माग गर्दछु ।’

उनले कांग्रेस र माओवादीलाई व्यंग्य गर्दै पेट्रोलियम पदार्थको मूल्य वृद्धिको विरोध गरिन् ।

‘आपूmलाई वीपीको समाजवादको अनुयायी ठान्ने नेपाली कांग्रेस र जनताको मुक्ति दाता ठान्ने माओवादीको गठबन्धन सरकारले जनताकाे ढाड सेक्नेगरी मूल्यवृद्धि गरेको छ,’ उनले भनिन्, ‘आज इन्धन, ग्याँसलगायतका सबै पेट्रोलियम पदार्थमा मूल्य वृद्धि गरेको छ । त्यो मात्रै होइन सबै क्षेत्रमा मूल्य वृद्धि भएर निमुखा जनताको घरमा चुलो बाल्न मुस्किल परेको छ ।’