२६६ कोभिड-१९ संक्रमित थपिए, चारको मृत्यु

काठमाडौँ : पछिल्लो २४ घण्टामा कोभिड-१९ का २६६ संक्रमित थपिएका छन् । चार जनाको मृत्यु भएको छ । यो पछिल्ला दिनमा देखिएको संक्रमण र मृत्युभन्दा धेरै हो । 

स्वास्थ्य तथा जनसंख्या मन्त्रालयका अनुसार योसँगै नेपालमा कोभिड संक्रमितको संख्या दुई लाख ७८ हजार २१० पुगेको छ । कोभिडबाट मृत्यु हुनेको संख्या नेपालमा तीन हजार ३६ पुगेको छ । 

२४ घण्टामा १०२ जना संक्रमित निको भएका छन् । अहिलेसम्म नेपालमा दुई लाख ७३ हजार ३४२ जना संक्रमणमुक्त भएको मन्त्रालयले जनाएको छ ।

नेपालमा १८ सय ३२ जना आइसोलेसनमा र ६४ जना क्‍वारेन्टाइनमा छन् । हालसम्म २२ लाख ८९ हजार ८२४ वटा पीसीआर परीक्षण गरिएको मन्त्रालयले जानकारी दिएको छ ।