बेकोको अत्याधुनिक फिचर्स सहितको ईन्भटर एअर कन्डिसनर्स बजारमा

काठमाडौँ -  चौधरी ग्रुप अन्तर्गत सीजी इलेक्ट्रोनिक्स युरोपियन इलेक्ट्रोनिक्स ब्राण्ड बेकोको अत्याधुनिक फिचर्स सहितको कम बिजुली खाने ईन्भटर एअर कन्डिसनर्स नेपाली बजारमा सार्वजनिक गरेको छ । जाडो र गर्मी दुबै मौसममा उपयोगी यो एअर कन्डिसनरमा गो क्लिन, जोनफलो, गोल्ड गार्ड जस्ता अत्याधुनिक फिचर्स तथा टेक्नोलोजीहरु रहेको कम्पनीले दाबी गरेको छन।

यसको गो क्लिन टेक्नोलोजीले एअर कन्डिसनरमा टाँसिएको धुलो र फोहोरहरु आफैँ पखाल्छ जसले गर्दा एअर कन्डिसनरमा ब्याक्टेरिया र ढुसी जम्न दिदैँन, गन्ध घटाउँछ र उपभोक्तालाई ताजा र स्वच्छ हावा प्रवाह गर्छ। साथै यसको गोल्ड गार्ड फिचर्सले एअर कन्डिसन उच्च क्षमतामा चलाई लामो समयसम्म टिकाउन मदत गर्छ। र यसको जोनफलो टेक्नोलोजीले प्रयोगकर्ता बसेको ठाउँको तापक्रम महसुस गर्छ र स्वचालित रूपमा कोठाको तापक्रम समायोजन गर्छ। यसको रिमोटमा बिशेष सेन्सर हुन्छ जसको प्रयोगले प्रयोगकर्तालाई  कोठाको जुनसुकै कुनामा पनि समान तापक्रम महसुस गराउँछ । कम्पनीका अनुसार यो एअर कन्डिसनर्स नेपाली बजारमा १ टन, १.५ टन र २ टनमा उपलब्ध छ र यसमा १० वर्षको वारेन्टी रहेको कम्पनीले जनाएको छ। 

सीजी इलेक्ट्रोनिक्सले सम्पूर्ण नेपाली ग्राहकहरुलाई सीजी डिजिटल शोरुम तथा आफ्नो फराकिलो विक्रेता सञ्जाल मार्फत उत्कृष्ट सेवा र अनुभव प्रदान गरिरहेको छ। कम्पनीका सिजी डिजिटल शोरुमहरु काठमाडौं भित्र टङगाल, कुमारीपाटी, भक्तपुर राधे राधे, कीर्तिपुर, रबि भवन, हातिगौडा, त्रिपुरेश्वर, नयाँ बजार, बसुन्धारा, जोरपाटी र काठमाडौं बाहिर इटहरी, हेटौंडा, भरतपुरमा रहेका छन।