देवघाटमा निर्माणाधीन पक्की पुल भत्कियो

फोटो : सामाजिक सञ्जाल

काठमाडौँ : तनहुँको देवघाटमा बनिरहेको त्रिुशली नदीमाथिको पक्की पुल भत्किएको छ । देवघाट र चितवनको ठिमुरा जोड्ने दुई सय २० मीटरको पक्की पुल सोमबार राती भत्किएको सडक डिभिजन कार्यालय भरतपुरले जनाएको छ ।

यो पुल इलाइट, एड्भेन्चर र इन्द्रेणी जेभी कम्पनीले निर्माण गरिरहेका थिए । तर ढलान गरेको २१ दिनमा निर्माण नसकिदै ४० मिटर भागको पुल भत्किएको हो । पुल भत्किनुको कारण खुलेको छैन् । तर कमजोर निर्माण सामग्रीले गर्दा भत्किएको हुन सक्ने अनुमान गरिएको छ । 

यसबारे विभागले थप अनुसन्धान थालिएको जनाएको छ । १६ करोडको लागतमा निर्माण सुरु गरिएको पुलको लागत अहिले नाकाबन्दी लगायतका कारणले बढेर २१ करोड पुगेको छ । २०७४ सालमा नै बनिसक्नुपर्ने पुल अझै निर्माण सम्पन्न भएको छैन ।