‘ब्ल्याक विडो’ ट्रेलरले राख्यो नयाँ रेकर्ड
चैत २४, २०७७ मंगलबार १६:०४
लसएन्जल्स : स्कारलेट जोन्सनको अभिनय रहेको ‘ब्ल्याक विडो’ ट्रेलरले २४ घन्टामा सबैभन्दा बढी हेरिने ट्रेलरको कीर्तिमान कायम गरेको छ । दुई दिन अघि युट्यबुमा सार्वजनिक ‘ब्ल्याक विडो’को तेस्रो ट्रेलरले ७ करोड दर्शक पाएको हो ।
यसअघि सबैभन्दा बढी हेरिने ट्रेलरले पहिलो दिन ६ करोड हाराहारी दर्शक पाएको थियो । ‘ब्ल्याक विडो’ ट्रेलरले ‘ब्ल्याक प्यान्थर’ र ‘आन्टमेन एन्ड दि आस्प’, ‘वान्डाभिजन’, ‘लोकी’ आदि फिल्मका ट्रेलरलाई जितेको हो । उनीहरूले क्रमशः पहिलो दिन ४ करोड, ५ करोड र साढे ५ करोड दर्शक पाएका थिए ।
ट्रेलरप्रति दर्शकको यति बिघ्न रुचिलाई धेरैले यो फिल्मको प्रतीक्षाको संकेतका रुपमा अथ्र्याएका छन् । हलिउडमा ‘टेनेट’लाई छाडेर कुनै पनि ठूलो लगानीका फिल्म रिलिज भएका छैनन् ।
‘क्याप्टेन अमेरिका’को चरित्र नताशा रोमानफको नयाँ यात्रामा आधारित फिल्मले नताशाको विगत र उनको रहस्यका बारेमा जानकारी दिनेछ । केट सर्टल्यान्डको निर्देशन रहेको फिल्ममा फ्लोरेन्स पु पनि महत्वपूर्ण भूमिकामा छिन् । यो फिल्म डिज्नीसँगै हलमा जुलाई ९ मा प्रदर्शन हुनेछ ।
‘महाभोज’ सहकारी पीडित जनताको कथा हो: दयाहाङ राई
अजय देवगनको छोराले गरे हलिउडवाट ‘डेब्यु’
भारतबिरूद्द बोले पछि हटाइयो ‘सनम तेरी कसम’को पाकिस्तानी अभिनेत्रीको तस्विर
जीवनकुमार प्रसाईंको पाँचौँ पुस्तक ‘कस्तो छ तिमीलाई’ प्रकाशित
'तोक्मा एप'को प्रवर्द्धनमा अभिनेता विल्सन विक्रम राई, ब्रान्ड एम्बासडरमा नियुक्त
‘ऊनको स्वीटर’को गीत ‘चाइनेजो जिन्दगानीमा’ले निरुता सिंहलाई सम्झायो 'दर्पण छा…
बुद्धिसागरको कथामा चलचित्र निर्माण
प्रतिक्रिया