‘ब्ल्याक प्यान्थर’को टिजर बन्यो मार्भल फिल्मको इतिहास

लसएन्जल्स - ‘ब्ल्याक प्यान्थर’को सिक्वेल ‘ब्ल्याक प्यान्थर ः वाकन्डा फरएभर’को टिजरले दर्शक संख्यामा रेकर्ड कायम गरेको छ । शनिबार सार्वजनिक भएको फिल्मको टिजरले २४ घन्टामा १ सय ७२ मिलियन अर्थात् लगभग २१ अर्ब हाराहारी दर्शक पाएको छ । सन् २०१७ मा सार्वजनिक भएको यो फिल्मको पहिलो भागको टिजरले ८८ मिलियन भ्युज पाएको थियो । 

सामाजिक सञ्जालमा पनि यो फिल्मको चर्चा औधी छ । २४ घन्टाकै अवधिमा फिल्मले ८ लाख ९३ हजार मेन्सन पाएको छ जसलाई पनि मार्भलका फिल्मको इतिहासमा सर्वाधिक मानिएको छ । यही गतिमा यसले दर्शक पाउने हो भने यसले मार्भलबाहेक बाँकी स्टुडियोले बनाएका ठूला फिल्मको पनि रेकर्ड तोड्ने अनुमान गरिएको छ । 

फिल्मका मुख्य अभिनेता चाडविक बोसेमनको मृत्युलाई यसको मुख्य कारण मानिएको छ । पहिलो शृंखलामा मुख्य भूमिकामा देखिएका चाडविक सन् २०२० मा कोलोन क्यान्सरसँग पराजित हुन पुगेका थिए । टिजर सार्वजनिक समारोहका फिल्मको सम्पूर्ण टिमले फिल्म चाडविकप्रति नै समर्पित रहेको बताएका थिए । यो फिल्म कात्तिक २५ मा विश्वभर सार्वजनिक हुँदैछ ।