डिसहोममा अब अनलाइन रिचार्जको सुविधा

 काठमाडौँ- डिसहोमले प्रदान गर्ने सेवाहरु फाइवरनेट, डिटिएच र फाइवर नेट डिटिएच कम्बो अव नेपालमा उपलव्ध अनलाइन सेवा मार्फत गर्न सकिने भएको छ । अब आइएमई पे, इ-सेवा, खल्ती र प्रभु पे मार्फत माथि उल्लेखित सेवाहरु सजिलै अनलाइन रिचार्ज गर्न सकिने भएको हो ।

रिचार्ज गर्ने क्रममा आफुले कुन सेवा लिएको छ त्यसलाई राम्रोसँग बुझेर मात्र रिचार्ज गर्नु पर्ने डिसहोमले जनाएको छ। जस्तै, डिसहोम डिटिएचमा, टिभी सेग्मेन्टमा गएर डिसहोममा क्लिक गरेर रिचार्ज गर्न सकिन्छ । 

त्यस्तै डिसहोम फाइवरनेट मात्र चलाएकाहरूको लागि, इन्टरनेट सेगमेन्टमा गएर डिसहोम फाइवरनेटमा क्लिक गरेर रिचार्ज गर्न सक्नेछन् । 

त्यस्तै फाइवरनेट  डिटिएच कम्बो, प्याकेजमा भने यसको लागि पनि टिभी सेगमेन्टमा गएर डिसहोम कम्बो प्याकेजमा क्लिक गरेर आफ्नो कम्बो प्याकेज रिचार्ज गर्न सकिने कम्पनीले जनाएको छ ।