कोलकत्ताले हैदरावादलाई हरायो

काठमाडौँ : आइपीएल क्रिकेटमा कोलकत्ता नाइट राइडर्सले सनराइजर्स हैदरावादलाई हराएको छ । आइतबार राती चेन्नेईमा भएको खेलमा कोलकत्ता १० रनले विजयी भएको हो । 

टस हारेर पहिले ब्याटिङ गरेको कोलकत्ताले निर्धारित २० ओभरमा ६ विकेट गुमाएर १८७ रन बनाएको थियो । उसका लागि नितिश रानाले ८० रनको योगदान दिए ।

जवाफी ब्याटिङ थालेको हैदरावाद भने निर्धारित २० ओभरमा ५ विकेट गुमाएर १७७ रनमै रोकियो । उसका लागि मनिष पाण्डेले नटआउट ६१ रन बनाएपनि टिमलाई जित दिलाउन सकेनन् । कोलकत्ताका प्रसिध कृष्णले दुई विकेट लिए । 

जितसँगै कोलकत्ता २ अंकसहित लिगको दोस्रो स्थानमा छ । आइपीएलमा आज राजस्थान र पञ्जाब खेल्नेछन् ।