काठमाडौँ आएका भारतीय अभिनेता गोविन्दाले भने : कला र संस्कृतिबिना देशको पहिचान हुँदैन

काठमाडौँ- भारतीय अभिनेता गोविन्दाले कला र संस्कृतिबिना देशको पहिचान हुन नसक्ने बताएका छन् ।

आइतबार काठमाडौँमा आयोजित सुपर डान्सर नेपाल प्रतियोगिताको बारेमा जानकारी गराउन आयोजित कार्यक्रममा बोल्दै उनले यस्तो बताएका हुन् । अभिनेता गोविन्दाले दर्शकलहरूले कलाकारलाई सधैँ साथ दिनुपर्ने बताए । उनले नेपालसँग आफ्नो प्रेम धर्मपत्नीको माध्यमबाट जुरेको जिकिर गरे ।

गोविन्दाले हरेक मानिसले आफूले गरेको कामलाई यादगार बनाउने हिसाबबाट अघि बढाउन आवश्यक रहेको पनि उल्लेख गरे । कला संसारको अभिन्न अंग भएको बताउँदै उनले कला र संस्कृतिसँग जोडिएको व्यापारले देश समृद्ध बन्ने धारणा राखे । उनले कलाकारहरुले व्यापार, व्यवसायसँगै जोडिएर कमाइ गर्ने भएकोले कलाकारका धनदाता मातापिता उद्योगी,व्यपारीहरु भएको बताए ।

भुषण दाहालले निर्देशन गर्ने सुपर डान्सर नेपाल शोको निर्णायकका रूपमा भाग लिन गोविन्दा नेपाल आएका हुन् । चारदेखि १४ वर्ष उमेर समूहका बालबालिकाबीच प्रतिष्पर्धा हुने यो रियालिटी शोको निर्णायकमा कलाकार भुवन केसी, जसिता गुरुङ र सुरेन्द्र राई रहेका छन् ।