जंगली हात्तीको आक्रमणबाट २२ वर्षीया मीनाको मृत्यु

फाइल फोटो

कञ्चनपुर - शुक्लाफाँटा नगरपालिका–७ सिमलफाँटामा आज साँझ अबेर जंगली हात्तीको आक्रमणबाट एक जनाको मृत्यु भएको छ । 

इलाका प्रहरी कार्यालय झलारीका प्रमुख प्रहरी निरीक्षक ज्ञानेन्द्रबहादुर सिंहका अनुसार जंगली हात्तीको आक्रमणबाट शुक्लाफाटा नपा–७ सिमलफाँटाका २२ वर्षीया मीना जोशीको घटनास्थलमा मृत्यु भएको छ ।

हात्तीको बथान शुक्लाफाँटा राष्ट्रिय निकुञ्जबाट गाउँ प्रवेश गरेको प्रहरीले जनाएको छ । अहिले घटनास्थलमा प्रहरी र स्थानीयवासीको टोली पुगी सकेका छन् ।