हेटौंडामा बोलेरोको ठक्करबाट एक जनाको मृत्यु

मकवानपुर - मकवानपुरको हेटौंडा उपमहानगरपालिका वडा नम्बर १७ कठायत चोकस्थित धरान चतरा सडकखण्डमा बोलेरोको ठक्करबाट एक जनाको मृत्यु भएको छ ।

मृत्यु हुनेमा मोटरसाइकल चालक पर्सा बिरगंज महानगरपालिका–१ बस्ने ३१ वर्षीय धर्मेन्द्र राम थारु रहेका छन् । बोलेरोको ठक्करबाट गम्भिर घाईते भएका थारुको हेटौंडा अस्पताल उपचारको क्रममा राती १० बजे मृत्यु भएको मकवानपुर प्रहरीले बताएको छ ।

सोमबार राति ९ बजेर ३५ मिनेटको समयमा हेटौँडा १८ ठुलोदमारतर्फबाट हटियातर्फ आउँदै गरेको ना ५ च २९९ नम्बरको बोलेरोले सडक छेउमा रोकी राखेको बा ४४ प ३८०२ नम्बरको मोटरसाइकल र चालक थारुलाई ठक्कर दिएको जिल्ला प्रहरी कार्यालय मकवानपुरका प्रहरी नायव उपरीक्षक टेक बहादुर कार्कीले बताए । 

बोलेरो चालक फरार रहेकाेमा खोजी कार्य भइरहेको प्रहरीले जानकारी दिएको छ ।