बेलायती महारानी एलिजाबेथ द्वितीयको निधनमा नेपालमा ३ दिन शोक

काठमाडौँ- सरकारले संयुक्त अधिराज्य बेलायतकी महारानी एलिजाबेथ द्वितीयको निधनमा तीन दिन शोक मनाउने भएको छ ।

शुक्रबार बसेको मन्त्रिपरिषद बैठकले महारानी एलिजाबेथको निधनप्रति नेपाल सरकार गहिरो दुःख व्यक्त गर्दै दिवंगत आत्माको चिर शान्तिको कामना गर्दै साे निर्णय गरेकाे हाे ।

महारानीको सम्मानमा २०७९ भदौ २५ देखि २७ गतेसम्म तीन दिन शोक मनाउने र नेपालभरका सरकारी कार्यालयहरू एवं विदेशस्थित नेपाली राजदूतावास र नियोगहरूमा राष्ट्रिय झण्डा आधा झुकाउने निर्णय गरेको छ ।

महारानी एलिजाबेथ द्वितीयको ९६ वर्षको उमेरमा २०७९ भदौ २३ गते निधन भएको थियाे ।