७ महिनापछि उपत्यका बाहिर निस्किएका ओली किमाथां पुगे

फाइल तस्बिर

काठमाडौं : प्रधानमन्त्री केपी शर्मा ओली  संखुवासभाको सीमा किमाथांका पुगेका छन् । बुधबार किमाथांका भएर हुने अन्तरदेशीय व्यापारको सम्भाव्यताबारे अध्ययन गर्न ओली त्यहाँ गएका हुन् । ओलीले सीमा क्षेत्रको सुरक्षा अवस्थाको निरीक्षण गर्ने, अरुण तेस्रो जलविद्युत् आयोजनाको अवलोकन गर्ने, किमाथांका भएर हुने अन्तरदेशीय व्यापारको सम्भाव्यताबारे अध्ययन गर्ने कार्यक्रम रहेको प्रधानमन्त्रीकव सचिवालयले जनाएको छ ।

ओलीसँगै भौतिक पूर्वाधार तथा यातायातमन्त्री वसन्त नेम्वाङ, प्रदेश १ का मुख्यमन्त्री शेरधन राई, सशस्त्र प्रहरी महानिरीक्षक शैलेन्द्र खनाल, प्रतिनिधिसभा सदस्य राजेन्द्र गौतम र राष्ट्रिय सभा सदस्य परशुराम मेघी गुरुङलगायतलाई छन् ।

ओली गत फागुनमा दोस्रो पटक मिर्गौला प्रत्यारोपण गरेपछि काठमाडौं बाहिर निस्किएका थिएनन् । उनले त्यहाँ पाँच घण्टामा तीन वटा कार्यक्रम सकाएर आजै काठमाडौं आउनेछन् ।