पिएम कप एकदिवसीय क्रिकेट कात्तिक १२ देखि

काठमाडौँ- नेपाल क्रिकेट संघ (क्यान) ले कात्तिक १२ देखि २६ गतेसम्म प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिता आयोजना गर्ने भएको छ ।

असोज ८ देखि कात्तिक ५ गतेसम्म तय भएको नेपाल टी-ट्वान्टी लिग तत्काल नहुने भएपछि क्यानले एकदिवसीय राष्ट्रिय प्रतियोगिता गर्न लागेको हो । त्यसका साथै नवौँ राष्ट्रिय खेलकुदअन्तर्गतको पुरुष क्रिकेट प्रतियोगिता पनि सम्पन्न भइसकेको छ ।

यसका लागि क्यानका कार्यवाहक सचिव प्रशान्त विक्रम मल्लले प्रदेश अन्तर्गत जिल्ला छनोट असोज २० गतेसम्म तथा प्रादेशिक छनोट कात्तिक ६ गतेसम्म सम्पन्न गर्न पत्राचार गरेका छन् ।