‘महापुरुष’को ‘बेमौसमी’ सार्वजनिक

काठमाडौँ - चलचित्र ‘महापुरुष’को ‘बेमौसमी’ बोलको गीत सार्वजनिक भएको छ । एसडी योगीको संगीत र स्वर रहेको गीतमा हरिवंश आचार्य, गौरी मल्ल, अरुण क्षेत्री र अन्जना बराइली फिचर्ड छन् ।

प्रेमिल भावना अभिव्यक्त गीतमा एसडी योगीले ‘कबड्डी ४’कै ‘केशरी’गीतको फ्लेवर समातेका छन् । दुवै गीतमा प्रशस्त समानता भेटिन्छिन् । विवेक रसाइलीले निर्देशन गरेको गीतलाई पुरुषोत्तम प्रधानले खिचेका हुन् । 

प्रदीप भट्टराईको लेखन तथा निर्देशनमा बनेको फिल्ममा महजोडीसँगै गौरी मल्ल , अरुण क्षेत्री, अन्जना बराइली,रविन्द्र सिंह बानियाँ, राजाराम पौडेल, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे,लगायतको अभिनय छ ।ुमहापुरूष’मा समाजले मान्छेलाई महापुरूष बनाउने स्थितिलाई व्यंग्य गरिएको निर्माण टिमको दाबी रहेको छ । फिल्म कार्तिक ११ गते रिलिज हुँदैछ ।