रवीन्द्र मिश्र आज राप्रपामा प्रवेश गर्दै

काठमाडौं - विवेकशील साझा पार्टीका तत्कालीन अध्यक्ष रवीन्द्र मिश्र आज राष्ट्रिय प्रजातन्त्र पार्टी (राप्रपा)मा प्रवेश गर्दै छन् । आज दिउँसो १ बजे राष्ट्रिय सभागृह काठमाडौंमा आयोजित कार्यक्रममा उनी राप्रपा प्रवेश गर्ने कार्यक्रम छ ।

अध्यक्ष राजेन्द्र लिङदेनले उनलाई पार्टीमा स्वागत गर्नेछन् । राप्रपाले उनलाई वरिष्ठ उपाध्यक्ष पद दिएर पार्टीमा भित्र्याउन लागेको छ । मिश्रसँगै विवेकशील साझाका केही नेताहरूपनि राप्रपामा प्रवेश गराउने तयारी छ।

मिश्रले गत वैशाखको स्थानीय चुनावपछि विवेकशील साझाको अध्यक्षबाट राजीनामा दिएका थिए । उनले पार्टीको साधारण सदस्यबाट समेत राजीनामा दिइसकेका छन् ।