क्रिकेटर शुभम गिलसँगको प्रेममा सारा अलि खान

मुम्बई - सुशान्त सिंह राजपुत र कार्तिक आर्यनसँग नाम जोडिएकी सारा अलि खानको नाम अहिले भने क्रिकेटरसँग जोडिएको छ । भारतीय टोलीका ओपनिङ ब्याटस्मेन शुभम गिल र सारालाई एउटै होटलबाट बाहिरिँदै गरेको देखेपछि अहिले दुवैबीच अफेयर रहेको खबर घनिभूत भएको छ । होटलबाहेक सारा र शभम् प्लेनमा पनि सँगै देखिएका क्लिप्स सार्वजनिक भएका छन् । 

दुवैबीच माया प्रेम रहेको खबर गत अगस्टमा सार्वजनिक भएको थियो । दुवैलाई फ्यानले एउटा रेष्टुरेन्टमा भेटेपछि दुवै अफेयरमा रहेको गाइँगुइँ चलेको थियो । तर सारालाई अहिलेसम्म शुभम् गिलको खेल हेर्न स्टेडियममा नदेखिएकाले खबरमा सत्यता नरहेको आशंका गरिएको थियो । तर दुवैलाई स्टेडियमबाहिर भेटिने क्रम नरोकिएकाले दुवै प्रेममा रहेको कुरा पक्का हुँदै गएको छ ।  शुभम् गिलको नाम यसअघि सचिन तेन्दुलकरकी छोरी सारा तेन्दुलकरसँग जोडिएको थियो । दुवैबीच भर्खरै ब्रेकअप भएको खबर छ ।