जबरजस्ती करणी गरेको आरोपमा एक पक्राउ

बागमती : मकवानपुरको हेटौँडामा एक नाबालिकलाई जबरजस्ती करणी गरेको आरोपमा प्रहरीले एक जनालाई पक्राउ गरेको छ । 

पक्राउ पर्नेमा पर्साको वीरगञ्ज महानगरपालिका-२३  घर भई हाल हेटौँडा उपमहानगरपालिका-६ डेरा गरी बस्ने २१ वर्षीय विशाल पासवान रहेको जिल्ला प्रहरी कार्यालय मकवानपुरले जनाएको छ ।

पीडितको उजुरीका आधारमा प्रहरीले सोमबार पासवानलाई पक्राउ गरेको छ । हेटौँडा-६ पुतलीबजार नजिकै रहेको खहरे खोलाको बगरमा एक नाबालिकलाई करणी गरेको आरोपमा पासवानलाई पक्राउ गरी कारवाही प्रक्रिया अगाडि बढाएको प्रहरीले जनाएको छ । रासस