राम प्रसादले दिलाए आर्मीलाई हर्डल्समा स्वर्ण

पोखरा- नवौँ राष्ट्रिय खेलकुद अन्तर्गत एथलेटिक्सको ४ सय मिटर हर्डल्सतर्फ त्रिभुवन आर्मी क्लबका रामप्रसाद थारुले स्वर्ण जितेका छन् । पोखरा रंगशालामा बुधबार भएको प्रतिस्पर्धामा राम प्रसादले निर्धारित दूरी ५३.५३ सेकेन्डमा पुरा गर्दै स्वर्ण जिते ।

आर्मीकै जीवन चौधरीले रजत हात पारे । जीवनले ५३.८९ सेकेन्ड खर्चिए । यता नेपाल एपीएफका निरप्रताप महत्तोले निर्धारित दूरी ५३.९२ सेकेन्डमा पुरा गर्दै कास्य जिते ।