सोबिता गौतमको प्रचारमा वर्षा सिवाकोटी

काठमाडौँ - अभिनेत्री वर्षा सिवाकोटी काठमाडौँ क्षेत्र नं २ की उम्मेदवार सोबिता गौतमको प्रचारमा देखिएकी छिन् । सिवाकोटीले फेसबुकमा तस्बिर राख्दै चुनावमा सोबिताको समर्थन गरेकी हुन् । 

सिवाकोटी श्रीमान्सँग अलग भएको खबरले केही समयअघि चर्चामा थिइन् । विवाह सम्बन्ध विच्छेदको संघारमा पुगेको खबर सार्वजनिक भएसँगै उनले सामाजिक सञ्जाल छाडेकी थिइन् । तर केही समयपछि नै फेसबुकमा सक्रिय हुँदै उनले सोबिताको प्रचार गरेकी हुन् ।  

सोबिता राष्ट्रिय स्वतन्त्र पार्टीकी उम्मेदवार हुन् । वर्षाले युवालाई समर्थन भन्ने आसयसहित सोबितालाई समर्थन गरेको संकेत गरेकी छिन् । वर्षा अभिनित दुई फिल्म प्रदर्शनको पर्खाइमा छन् । उनको अभिनय रहेको ‘परदेशी २’ फागुन १९ मा प्रदर्शन हुँदैछ ।