निकुञ्जको समस्या समाधान गर्छाैंः उम्मेदवार बर्तौला

मकवानपुर- नेकपा एमालेका तर्फबाट मकवानपुर क्षेत्र नम्बर–२ मा उम्मेदवार महेशकुमार बर्तौलाले स्थानीयलाई वर्षौंअघिदेखि पर्दै आएका समस्या समाधान गर्ने प्रतिबद्धता व्यक्त गरेका छन् । उनले मनहरी गाउँपालिकाकाे चुनावी कार्यक्रममा पालिकावासीलाई वर्षौंअघिदेखि भाेग्दै आएकाे निकुञ्जको समस्या सधैँका लागि अन्त्य गर्ने प्रतिबद्धता व्यक्त गरेका हुन् ।

बर्ताैलासहित क्षेत्र नम्बर–२ प्रदेश सभा (ख) का उम्मेदवार लालबहादुर थापाले निर्वाचनबाट आफूहरू संसद् निर्वाचित भएपछि संघ र प्रदेश स्तरबाट आवश्यक कानुन निर्माण गरी निकुञ्जकाे समस्या समाधान गर्न पहल गर्ने बताएका हुन् । निकुञ्जसँगै उक्त क्षेत्रमा राप्ती खोला र मनहरी खोलाका कारण स्थानीय बासिन्दाले दुःख पाउने गरेकाे भन्दै उम्मेदवारद्वयले खाेलाकाे समस्या समेत समाधान गर्ने बताएका छन् ।

मनहरीमा आयोजित सभामा नेपाली काँग्रेस लगायतका पार्टी परित्याग गरेर बिरेन्द्र डिसिको नेतृत्वमा ५० जना एमाले प्रवेश गरेकाे छन् । नेकपा एमाले मनहरी गाउँ कमिटीले आयोजनामा भएको आमसभामा डिसिसहित ५० जना पार्टी प्रवेश गरेका एमाले मकवानपुरले जनाएकाे छ ।