तीन नयाँ अनुहार थपिए, पोखरेललाई रक्षाबाट हटाइयो, गुरुङ सञ्‍चारमा तानिए

काठमाडौं : प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले मन्त्रिपरिषद हेरफेर गरेकी छन् । राष्ट्रपति भण्डारीले नेपालको संविधानको धारा ७६ को उपधारा ९९० बमोजिम प्रधानमन्त्रीको सिफारिसमा रिक्त मन्त्रालयमा पदपूर्तिसहित केही मन्त्रालयको नेतृत्वमा सामान्य हेरफेर गरेकी हुन् ।

अर्थमन्त्रीमा विष्णुप्रसाद पौडेल, सञ्चार तथा सूचना प्रविधिमन्त्रीमा पार्वत गुरुङ, शहरी विकासमन्त्रीमा कृष्णगोपाल श्रेष्ठ र  महिला बालबालिका तथा ज्येष्ठ नागरिकमन्त्रीमा लीलानाथ श्रेष्ठ नियुक्त भएका छन् । जसअनुसार विष्णु, कृष्णगोपाल र लीलानाथ नयाँ अनुहार हुन् । यसअघिका महिला बालबालिका तथा ज्येष्ठ नागरिकमन्त्री गुरुङ भने सञ्चार तथा सूचना प्रविधिमन्त्रीमा लगिएको छ ।

त्यस्तै उपप्रधानमन्त्री एवं रक्षामन्त्री  ईश्वर पोखरेललाई रक्षामन्त्रीबाट हटाइएर बिनाविभागीय मन्त्री बनाइएको छ । पोखरेललाई प्रधानमन्त्री तथा मन्त्रिपरिषद्को कार्यालयको जिम्मेवारी दिइएको छ ।