सजिलै पैसा पाउन, सानिमा भिसा डिरेक्ट सेवा

काठमाडौँ- सानिमा बैंकले आफ्ना ग्राहकहरूका लागि सानिमा भिसा डिरेक्ट सेवा ल्याएको छ । यो सेवा मार्फत ग्राहकहरूले विदेशबाट पठाएको पैसा तुरुन्तै प्राप्त गर्न सक्नेछन् ।
विश्वभरबाट सानिमाको भिसा कार्ड नम्बरमा विभिन्न डिजिटल माध्यमहरू जस्तै इन्टरनेट बैंकिङ्ग, मोबाइल बैंकिङ्ग र एटीएमबाट सजिलै रकमान्तर गर्न सकिने छ ।

यो सेवा नवीन प्रविधि भएकोले विश्वभरबाट सानिमा बैंकको भिसा कार्ड नम्बरमा पैसा प्राप्त गर्ने उपयुक्त वैकल्पिक माध्यम रहेको छ । उक्त सेवा बैंकले भिसा इन्टरनेशनलसँग सहकार्य गरी प्रदान गरेको हो । यो सरल, सुरक्षित र छरितो सेवा रहेको बैंकले जनाएको छ ।