सुर्खेत-१ को राति १० बजेदेखि मतगणना गर्ने तयारी, सर्वदलीय बैठक बस्दै

सुर्खेत । सुर्खेत क्षेत्र नम्बर १ को मतगणना राति १० बजेदेखि सुरु हुने भएको छ । मतगणनाको लागि अहिले सर्वदलीय बैठक बसिरहेको छ ।

उक्त क्षेत्रको एउटा मतदान केन्द्रमा मतदान स्थगित भएकाले मतगणना गरिएको थिएन । क्षेत्र नम्बर एक अन्तरगत सिम्ता बहुमुखी क्याम्पस मतदान केन्द्रको स्थगित निर्वाचन आज सम्पन्न भएको छ । मतपेटिकाहरु ल्याउने कार्य सम्पन्न भइसकेपछि सर्वदलीय बैठक बस्दै गरेको काँग्रेस क्षेत्रीय उपसभापति किरण वलीले जानकारी दिए ।

उ​क्त क्षेत्रमा प्रतिनिधिसभातर्फ कांग्रेस उपसभापति पूर्णबहादुर खड्का र एमाले नेता ध्रुव शाहीबीच कडा प्रतिस्पर्धा भएको छ ।