दाङ-२ (क) मा कांग्रेसका खनाल विजयी

बुटवल- प्रदेशसभा सदस्य पदमा नेपाली कांग्रेसका उम्मेदवार राजु खनाल दाङको निर्वाचन क्षेत्र नं २ (क)  बाट निर्वाचित भएका छन् । कांग्रेस लुम्बिनी प्रदेशका उपसभापति समेत रहेका खनालले १५ हजार ६ सय १६ मत प्राप्त गरि निर्वाचित भएका हुन् । 

खनालका निकटतम प्रतिष्पर्धी नेकपा एमालेका बलिभद्र रानाले १४ हजार ४ सय ४९ मत प्राप्त गरे । कांग्रेसका खनालले एमाले उम्मेदवार रानालाई १ हजार १ सय ६७ मतान्तरले पराजित गरेका हुन् । यो निर्वाचन क्षेत्रमा ३७ हजार ८६ मत खसेको थियो । १ हजार ४ सय ८५ मत बदर भएको थियो ।

यो जितसँगै ६ प्रदेशसभा सदस्य रहेको जिल्लामा कांग्रेसले पहिलो खाता खोलेको छ । खनाल यसअघि संविधान सभाको दोस्रो निर्वाचनमा पनि विजयी भएका थिए । उनी २०७४ सालमा बाम गठबन्धनका उम्मेदवार कृष्णबहादुर महरासँग पराजित भएका थिए ।