कास्की-१ (२) मा एमालेका गुरुङ विजयी

पोखरा- कास्कीको निर्वाचन क्षेत्र नम्बर १ (२) बाट नेपाल कम्युनिष्ट पार्टी(एमाले)का उम्मेदवार बेदबहादुर गुरुङ विजयी भएका छन् । 

गुरुङले नेपाली कांग्रेसका दिपक गुरुङलाई ८ सय ६७ मतान्तरले पराजित गरेका हुन् । एमालेका गुरुङले १२ हजार ६ सय ६१ मत ल्याएर गण्डकी प्रदेशसभामा विजयी हुँदा नेपाली कांग्रेसका दिपक गुरुङले ११ हजार सात सय ९४ मत ल्याए । 

सो क्षेत्रको प्रतिनिधिसभाको मत गणना जारी छ । पछिल्लो गणनाअनुसार प्रतिनिधिसभामा नेकपा(एमाले)का मनबहादुर गुरुङले अग्रता बनाएका छन् ।