कास्की-१ बाट प्रतिनिधि र प्रदेश सभा १(१) मा एमालेका उम्मेदवार विजयी

पाेखरा- कास्की १ बाट प्रतिनिधि सभा र प्रदेश सभा सदस्यमा नेकपा एमालेका मनबहादुर गुरुङ र खगराज अधिकारी निर्वाचित भएका छन् ।

प्रतिनिधि सभामा गुरुङ र प्रदेश सभामा अधिकारी विजयी भएका हुन् । मनबहादुर गुरुङले निकटम् प्रतिद्वन्द्वी नेपाली काँग्रेसका किशोरदत्त बराललाई २ हजार ५ सय १९ मतान्तरले पछि पार्दै विजयी भएका हुन् ।

एमालेका गुरुङले २५ हजार ७ सय ८ मत ल्याउँदा नेपाली काँग्रेसका बरालले २३ हजार १ सय ८९ मत ल्याए ।

यस्तै कास्की निर्वाचन क्षेत्र नम्बर १ (क) मा नेकपा एमालेका अधिकारीले नेकपा माओवादीका दिपक कोइरालालाई ३ हजार ९ सय ९६ मतले पछि पार्दै विजयी भए । 
अधिकारीले १५ हजार ६ सय २३ मत ल्याउँदा कोइरालाले ११ हजार ६ सय २७ मत प्राप्त गरे । 

कास्की १ (२) बाट नेकपा एमालेका बेदबहादुर गुरुङ विजयी भईसकेका छन् ।