मुख्यमन्त्री कार्यालय अगाडि जन्ती बोकेको गाडीमा आगलागी

जनकपुरधाम : धनुषाको जनकपुरधामस्थित प्रदेश-२ मुख्यमन्त्री तथा मन्त्रिपरिषद कार्यालय आगाडि गुडिरहेको गाडीमा अचानक आगलागी भएको छ ।जनकपुरधाममा गुडिरहेको गाडी सडकमा रहेको डिभाइडरमा ठोक्किँदा आगलागी भएको हो ।
शनिवार साँझ ७ बजे प्रदेश ३–०१–०२४ च ८९१८ नम्बरको माइक्रो डिभाइडरमा ठोकिएर दुर्घटनाग्रस्त भएपछि आगो लागेको हो । गुडिरहेको गाडी भित्र ग्यासका सिलिण्डरहरु रहेको र डिभाइडरमा ठोक्किँदा आगलागी भएको हुन सक्ने जिल्ला प्रहरी कार्यालय धनुषाका प्रवक्ता प्रहरी नायव उपरिक्षक मकेन्द्रकुमार मिश्रले जानकारी दिएका छन।
दुर्घटनामा ठुलो मानवीय क्षति नभएपनि गाडीको धेरै भाग जलेको छ । प्रवक्ता मिश्रका अनुसार जन्ती लिएर धनुषाको महेन्द्रनगरबाट युदुकुहा गईरहेको सो गाडी भित्र सवार रहेका १३ जना मध्ये दुईजना घाइते भएका छन् ।
गाडीमा आगलागी भएको १५ मिनेटमै प्रहरीको सहयोगमा आगो नियन्त्रणमा लिइएको थियो । घटना पश्चात गाडीका चालक फरार रहेकोले उनको खोजी भइरहेको प्रहरीले जनाएको छ ।

पर्सामा कार दुर्घटनामा परी एकको मृत्यु, तीन घाइते

एमएडब्लू इन्टरप्राइजेज र काठमाडौं महानगरबीच सीप विकास प्रवर्द्धन गर्न सीप मेला …

रातमा खानै नहुने यी हुन तीन खानेकुरा

राशिफलमा यस्तो छ आज तपाईंको भाग्य

निन्द्रा नलागे के खाने ?
अमेरिकामा एकै परिवारका चार नेपाली मृत फेला

मुन्दुम अन्तर्राष्ट्रिय कला संग्रहालय भवन निर्माणका लागि तीन करोड बजेट

प्रतिक्रिया