अबको संसदमा हजुरबादेखि नातिनातिनीसम्मको पुस्ता

काठमाडौं–मंसिर ४ मा भएको प्रतिनिधि तथा प्रदेश सभा सदस्य निर्वाचनको मतगणना जारी छ । हालसम्म सार्वजनिक मत परिणामले यसअघिको तुलनामा उमेर समूह अन्तर्गत रोचक देखिएको छ ।

रोचक यहाँ छ कि हालसम्म निर्वाचित भएका सांसदमा हजुरबापुस्तादेखि नाति पुस्तासम्मको रहेको छ । अहिलेको संसदमा हालसम्मको परिणाम हेर्दा २७ वर्षदेखि ८० पुगेका सम्मको सहभागिता हुने देखिएको हो ।

हालसम्मको प्रतिनिधिसभाको यस निर्वाचनको परिणामअनसार निर्वाचित हुने सबैभन्दा ज्येष्ठ सदस्य राष्ट्रिय जनमोर्चाका अध्यक्ष चित्रबहादुर केसी र महन्थ ठाकुर छन् । केसी बागलुङ निर्वाचन क्षेत्र नं १ बाट निर्वाचित भएका हुन् भने ठाकुर महोत्तरी ३ बाट निर्वाचित भएका छन् । निर्वाचन आयोगको तथयांकमा उनीहरुको उमेर आठ दसक पुगेको देखिन्छ ।

र, अहिलेसम्मको सानो उमेर काठमाडौं–२ बाट सविजयी भएकी राष्ट्रिय स्वतन्त्र पार्टीकी सोविता गौतम रहेकी छिन् । उनको उमेर २७ रहेको छ । यो हिसाबले पनि अबको संसदमा हजुरबाकोपुस्तादेखि नातिनातिनाको पुस्तासम्मको सहभागिता हुने देखिन्छ ।

उसो त ५० कटेकाहरु पनि सांसादमा धेरै जना निर्वाचित भएका छन् । यसरी हेर्दा उमेरको दृष्टिले दुईदेखि आठ दसकसम्मको प्रतिनिधित्व हुनेछ ।

प्रधानमन्त्री शेरबहादुर देउवा ७७ वर्ष पुगे । उनीडडेलधुरा–१ बाट निर्वाचित भएका छन् । राप्रपाका ध्रुवबहादुर प्रधान ७३ वर्षका हुन् । उनी नवलपरासी (बर्दघाट सुस्ता पश्चिम) निर्वाचन क्षेत्र नं २ बाट निर्वाचित बनेका छन् भने ७७ वर्षका एमाले अध्यक्ष केपी शर्मा ओली झापा ५ बाट निर्वाचित भएका छन् । 

संसदीय राजनीतिमा निक्कै अनुभव बोकेकादेखि नयाँ अनुहारले प्रतिनिधित्व गर्ने हुँदा अबको संसद कस्तो होला भन्ने धेरैको चासोको विषय छ ।