तस्बिरमा अशान्त धनगढी

तस्बिर : दिपक उपाध्याय/धनगढी

कैलाली- धनगढीमा ग्रेडरले कुल्चिएर विद्यार्थीको मृत्युपछि घटनास्थलमै रहेको शव प्रहरीले उठाएको भन्दै आक्रोशित विद्यार्थीहरुले निषेधाज्ञा तोडेका छन् । आन्दोलन चर्किँदै गएपछि कैलाली प्रशासनले बिहीबार अनिश्चितकालीन निषेधाज्ञा जारी गरेको थियो । 

बिहीबार बिहान पञ्चोदय मावि कक्षा ८ मा अध्ययनरत अन्दाजी १४ वर्षीया छात्रा चेतना साउदको मृत्युपछि विद्यार्थीहरू आन्दोलनमा उत्रिएका हुन् । बिहीबार बिहान धनगढी उपमहानगरपालिका–५ पिपल चौतारा नजिकै काम गरिरहेको ना १ क ९७५ नम्बरको ग्रेडरले लेबल मिलाउँदै ब्याक गर्ने क्रममा बालिकाको कुल्चिएर मृत्यु भएको थियो ।

बिहीबार विद्यार्थीहरुले आन्दोलन गर्दै सडक अवरुद्ध पारेका थिए । आन्दोलन गरिरहेका केही विद्यार्थीहरूलाई प्रहरीले नियन्त्रणमा लिएपछि विद्यार्थीहरूले जिल्ला प्रहरी कार्यालय अगाडि टायर बालेर प्रदर्शन गरेका थिए ।